1 கொரிந்தியர் 14:5அர்த்தம் சொன்னால் மேலோங்கும்
நீங்களெல்லாரும் அந்நியபாஷைகளைப் பேசும்படி விரும்புகிறேன்; ஆகிலும், அந்நியபாஷைகளில் பேசுகிறவன் சபைக்கு பக்திவிருத்தி உண்டாகும்படிக்கு அர்த்தத்தையும் சொல்லாவிட்டால், தீர்க்கதரிசனஞ் சொல்லுகிறவன் அவனிலும் மேன்மையுள்ளவன்; ஆதலால் நீங்கள் தீர்க்கதரிசனஞ்சொல்லுகிறவர்களாகவேண்டுமென்று அதிகமாய் விரும்புகிறேன்.
1 Corinthians 14:5
அர்த்தம் சொன்னால் மேலோங்கும்
பவுல் அந்நிய பாஷையை புறக்கணிக்கவில்லை - ‘நீங்களெல்லாரும் அந்நியபாஷைகளைப் பேசும்படி விரும்புகிறேன்' என்று அன்போடு சொல்கிறார். ஆனால் அர்த்தம் சொல்லாத அந்நிய பாஷையிலும், தீர்க்கதரிசனம் சொல்லுகிறவன் மேன்மையுள்ளவன் என்று தெளிவுபடுத்துகிறார். ஏனெனில் அர்த்தம் இல்லாத வரம் சபைக்கு பயன்படாது. சபையின் பொதுநலனை நினைத்தே பவுல் இந்த வித்தியாசத்தைச் சொல்கிறார்.