2 இராஜாக்கள் 19:1இரட்டு உடுத்திய ராஜா

அசீரிய படைத்தளபதி ரப்சாக்கேயின் கொடிய வார்த்தைகளைக் கேட்ட எசேக்கியா, தன் ராஜவஸ்திரங்களைக் கிழித்துவிட்டு, துக்கவுடையாகிய இரட்டை அணிந்துகொண்டார். மற்ற ராஜாக்கள் இந்த நேரத்தில் ஆயுதம் தேடியிருப்பார்கள். ஆனால் இந்த ராஜா முதலில் ஓடியது ஆலயத்திற்கு. தன் பலவீனத்தை அறிந்து, தேவனுடைய முகத்தை நாடிச் சென்ற இந்த மனநிலையே அவரது பெருமையாக இருக்கிறது. நமக்கும் கஷ்டம் வரும்போது முதலில் யாரிடம் ஓடுகிறோம் என்பது முக்கியம்.