2 இராஜாக்கள் 4:44மீதியும் இருந்தது

பணிவிடைக்காரன் நம்பிக்கையோடு அதை ஜனங்களுக்கு முன் வைத்தான். அவர்கள் சாப்பிட்டார்கள், வயிறு நிறைந்தது - இருபது அப்பங்கள் நூறு பேருக்குப் போதுமானதாய் மாறியது. அதோடு நிற்காமல், கர்த்தருடைய வார்த்தையின்படியே மீதியும் இருந்தது. இயேசு பின்னாட்களில் ஐந்து அப்பங்களால் ஆயிரக்கணக்கானவரை போஷித்ததும் இதே கர்த்தருடைய கை என்பதை நினைவூட்டுகிறது (மத்தேயு 14:20). கர்த்தர் கொடுக்கும்போது, நம் கணக்கு தீர்ந்தாலும் அவருடைய அருள் தீராது.