2 இராஜாக்கள் 7:8முதலில் தமக்கே

பாளையத்தை அடைந்த குஷ்டரோகிகள் நான்கு பேரும் முதலில் ஒரு கூடாரத்திற்குள் நுழைந்து சாப்பிட்டு குடித்து, வெள்ளியையும் பொன்னையும் வஸ்திரங்களையும் எடுத்து ஒளித்து வைத்தார்கள். பசியோடு, வெறுமையோடு வாழ்ந்த அவர்கள் முதலில் தமக்குத் தேவையானதை எடுத்துக் கொள்வது இயல்பாகவே இருந்தது. ஒரு கூடாரத்திலிருந்து மறு கூடாரத்திற்குச் சென்று, மீண்டும் மீண்டும் அதே செய்கையை செய்தார்கள். இப்போது அவர்களே எவ்வளவு பணக்காரர்கள் ஆயிருக்கிறார்கள் என்று அவர்களே உணரவில்லை. ஆனால் இந்த செல்வம் அவர்கள் ஒருவருக்காக மட்டும் இல்லை என்பது இன்னும் அவர்கள் மனதில் விடிய வேண்டியிருந்தது.