ஆதியாகமம் 16:8இரண்டு கேள்விகள்

தூதனானவர் ஆகாரிடம் கேட்ட கேள்விகள் எளிமையானவை, ஆனால் ஆழமானவை — எங்கேயிருந்து வருகிறாய், எங்கே போகிறாய் என்பவை. இவை வெறும் தகவல் கேட்பதற்காக அல்ல, அவளை தன் நிலையை உணரவைக்கும் கேள்விகள். ஆகார் நேர்மையாக பதில் சொன்னாள்: தன் நாச்சியாரைவிட்டு ஓடிப்போகிறேன் என்று. அவள் தன் வேதனையை மறைக்கவில்லை, ஓட்டத்தையும் ஒப்புக்கொண்டாள். தேவன் நம்மிடம் கேள்வி கேட்பதெல்லாம் நம்மைக் குற்றப்படுத்த அல்ல, நம்மை நேருக்கு நேர் பார்க்க வைப்பதற்குத்தான்.