ஓசியா 13:3காலை மேகம் போல மறையும்

காலையில் தோன்றி பகல் வரும்போது கரைந்துபோகும் மேகம், விடியற்காலையில் இருந்து சூரியன் எழும்போது ஒழிந்துபோகும் பனி - இவைதான் இஸ்ரவேலின் நிலைமையாக இருக்கும். பெருங்காற்றில் பறந்துபோகும் பதர், புகைக்கூண்டில் இருந்து மேலே எழும்பி மறையும் புகை போலவும் அவர்கள் இருப்பார்கள். நிலையற்ற தன்மையை இவ்வளவு அழகான உருவகங்களால் தீர்க்கதரிசி காட்டுகிறார். தேவனை விட்டு பிரிந்தவனுடைய பெலனும் மகிமையும் இப்படித்தான், நிலைக்காது, கண்முன்னே கரைந்துபோகும்.