லேவியராகமம் 25:41மீண்டும் சுதந்தரத்திற்கு

ஏழ்மையால் தன்னை விற்றுக்கொண்ட ஒரு இஸ்ரவேலன், யூபிலி வருஷம் வந்தவுடன் தன் பிள்ளைகளோடு விடுதலையாகி, தன் குடும்பத்தாருக்கும் தன் முன்னோர் நிலத்திற்கும் திரும்பிப் போகலாம். எத்தனை காலம் அடிமையாக இருந்தாலும், அவனுடைய வேர் அறுந்துபோகவில்லை. அவனுடைய இடம் அவனுக்காக காத்திருக்கிறது. கடவுள் ஒவ்வொருவருக்கும் ஒரு சொந்த இடத்தை, ஒரு குடும்பத்தை வைத்திருக்கிறார் என்பதே இதன் அடிப்படை.