லூக்கா 1:71சத்துருவின் கையிலிருந்து விடுதலை

சகரியா, சத்துருக்களின் கைகளினின்று விடுதலையாக்கப்பட்டு, பரிசுத்தத்தோடும் நீதியோடும் தேவனுக்கு ஊழியம் செய்யும் நாட்களைப் பற்றி பாடுகிறார். இஸ்ரவேல் தன் காலத்தில் ரோம ஆளுகைக்குக் கீழிருந்தது, அரசியல் விடுதலையைத்தான் மக்கள் எதிர்பார்த்தனர். ஆனால் இயேசு கொண்டுவரும் விடுதலை அதைவிட ஆழமானது - பாவத்தின் அடிமைத்தனத்திலிருந்து விடுதலை. பயமில்லாமல் தேவனுக்கு ஊழியம் செய்யும் வாழ்வு எத்தனை பெரிய ஆசீர்வாதம். இன்று நமக்கும் இந்த விடுதலை இயேசுவின் மூலம் கிடைத்திருக்கிறது.