மத்தேயு 2:1கிழக்கிலிருந்து வந்த சாஸ்திரிகள்

பெத்லகேம் என்பது ஒரு சின்ன ஊர், ஏரோது ராஜா எருசலேமில் ஆடம்பரமாக அரசாண்டு கொண்டிருந்த காலம். அந்த சின்ன ஊரில் தான் இயேசு பிறந்தார். கிழக்கு தேசத்திலிருந்து - அதாவது பாபிலோன் அல்லது பெர்சியா பக்கத்திலிருந்து - நட்சத்திரங்களைப் படித்து அறியும் சாஸ்திரிகள் நெடுந்தூரம் பயணம் செய்து வந்தார்கள். ஒரு ராஜா பிறந்தார் என்று அவர்கள் நம்பி, அதைத் தேடி வந்த பயணம் இது. தேவன் தம் குமாரனை உலகுக்கு அறிவிக்க, தூரத்திலிருந்தும் மனிதரை அழைத்தார் என்பது எத்தனை அழகான காரியம்.