நீதிமொழிகள் 19:17கர்த்தருக்குக் கடன்

ஏழைக்கு இரங்கிக் கொடுப்பவன் உண்மையில் கர்த்தருக்கே கடன் கொடுக்கிறான் என்று சாலொமோன் அழகான ஒரு உருவகத்தில் சொல்கிறார். கொடுத்ததை கர்த்தர் தாமே திரும்பக் கொடுப்பார் என்ற வாக்குறுதி இதோடு சேர்க்கப்படுகிறது. இது நம் கொடையை ஒரு வியாபாரமாக்கும் வார்த்தையல்ல, மாறாக ஏழைகளுக்குச் செய்யும் நல்லது கர்த்தருடைய கண்களில் எவ்வளவு விலைமதிப்புள்ளது என்பதைக் காட்டும் வார்த்தை. இயேசு தாமே மத்தேயு 25:40ல் இதே எண்ணத்தை மறுபடியும் சொன்னார். நம் கையிலிருந்து போகும் சிறு உதவி கூட கர்த்தருடைய கண்களில் பதிவாகிறது.