வெளிப்படுத்தல் 5:8தூப கலசங்கள்

ஆட்டுக்குட்டி புஸ்தகத்தை வாங்கியதும், நான்கு ஜீவன்களும், இருபத்துநான்கு மூப்பர்களும் அவர் முன் விழுந்து வணங்கினர். அவர்கள் கையில் இருந்த பொற்கலசங்களில் தூபவர்க்கம் நிறைந்திருந்தது, அது பரிசுத்தவான்களுடைய ஜெபங்களைக் குறிக்கிறது என்று வசனமே சொல்கிறது. நம் ஜெபங்கள் எவ்வளவு சிறியதாக இருந்தாலும், பரலோகத்தில் நறுமணமான தூபமாக ஏறுகின்றன என்பது எத்தனை ஆறுதலான உண்மை. நம் மன்றாட்டுகள் தொலைந்துபோவதில்லை, தேவனுடைய சிங்காசனத்தில் அவை நினைவுகூரப்படுகின்றன.