ஆகாய் 1:4பாழான வீடு

கர்த்தர் ஒரு கூர்மையான கேள்வியை கேட்கிறார் - உங்கள் வீடுகள் மச்சு பாவப்பட்டு அழகாக இருக்க, என் வீடு பாழாய் கிடக்குமா என்று. 'இந்த வீடு பாழாய்க் கிடக்கும்போது' என்ற வார்த்தையில் ஒரு வேதனை இருக்கிறது, தம் சொந்த ஜனங்களால் புறக்கணிக்கப்பட்ட கர்த்தருடைய வேதனை. அவரவர் தன் வசதிக்காக பொருள் செலவழிக்க தயங்கவில்லை, ஆனால் கடவுளுக்கான காரியத்தை மட்டும் தள்ளிப்போட்டனர். இது நம் முன்னுரிமைகளை பரிசோதிக்கும் ஒரு கண்ணாடி.