எபிரெயர் 12:1சாட்சிகள் சூழ்ந்த ஓட்டம்

பதினொன்றாம் அதிகாரத்தில் சொன்ன ஆபிரகாம், மோசே, தாவீது போன்ற விசுவாச வீரர்கள் எல்லாரையும் இங்கே ‘மேகம்போன்ற திரளான சாட்சிகள்’ என்று அழைக்கிறார். அவர்கள் நமக்கு பார்வையாளர் மட்டும் அல்ல, முன்பே ஓடி முடித்தவர்கள். அதனால் நாமும் பாரமான பொருட்களையும் பாவத்தையும் தள்ளிவிட்டு, நமக்கென குறிக்கப்பட்ட பாதையில் ஓடவேண்டும் என்கிறார். 'பொறுமையோடே ஓடக்கடவோம்' என்பது வேகமான ஓட்டம் அல்ல, நிலைத்திருக்கும் ஓட்டம். வாழ்க்கை ஒரு நீண்ட பயணம், அதில் தளராமல் நடக்கவே இந்த வார்த்தை நமக்கு உற்சாகம் தருகிறது.