எரேமியா 3:9கல்லோடும் மரத்தோடும்

தேசம் தீட்டுப்பட்டு போனது என்று சொல்லும்போது, மனிதனை உருவாக்கிய தேவனை விட்டு, கல்லாலும் மரத்தாலும் செய்யப்பட்ட உருவங்களோடு உறவாடும் மடமையையே கர்த்தர் சுட்டிக்காட்டுகிறார். உயிரில்லாத பொருள்களுக்கு உயிருள்ள ஆத்துமா ஒப்புக்கொடுக்கப்படும் அவலம் இது. இதை பார்த்த கர்த்தருடைய இருதயம் எவ்வளவு நோகுமோ, அந்த வேதனை இந்த வார்த்தைகளில் தெரிகிறது. நம் நேசம் எதன் மீது வைக்கப்பட்டிருக்கிறது என்பதை சிந்திக்கவேண்டிய நேரம் இது.