யோவான் 20:1கல் எடுத்துப்போட்டிருந்தது

இருட்டு இன்னும் விலகாத அதிகாலை நேரம். மகதலேனா மரியாள் தன் துக்கத்தோடு கல்லறைக்கு வருகிறாள், இயேசுவின் சரீரத்தை இறுதியாகப் பார்க்கவேண்டும் என்ற ஏக்கத்தோடு. ஆனால் கல்லறையை மூடிய பெரிய கல் அகற்றப்பட்டிருக்கக் கண்டாள். அவளுக்கு அது திருட்டு போலத் தெரிந்தது, உயிர்த்தெழுதல் அல்ல. துக்கத்தின் இருட்டில் நாமும் சில நேரம் தேவனுடைய செயலை உடனே அடையாளம் காணாமல் தடுமாறுவோம்.