லூக்கா 1:42ஆசீர்வதிக்கப்பட்டவள்

எலிசபெத்து தன் சொந்த வயதின் மூப்பை மறந்து, உரத்த சத்தமாய் மரியாளை வாழ்த்தினார். 'ஸ்திரீகளுக்குள்ளே நீ ஆசீர்வதிக்கப்பட்டவள்' என்று அவர் சொன்னது, மரியாள் தானாகவே பெற்ற பெருமையல்ல, தேவன் அவளுக்குத் தந்த கிருபை என்பதைக் காட்டுகிறது. உன் கர்ப்பத்தின் கனி என்று சொன்னது இயேசுவைத்தான் குறிக்கிறது. ஒரு வயதான தாய் இளைய தாய்க்கு முன் தலைவணங்கி பேசுவது எத்தனை அழகான காட்சி. தேவன் தாழ்மையானவர்களை உயர்த்துவதை இதிலேயே பார்க்கலாம்.