மாற்கு 9:50உப்பாய் இருங்கள்

உப்பு அக்காலத்தில் விலைமதிப்பற்றது - உணவுக்கு சுவை தருவதும், அழுகாமல் காப்பதும் அதன் வேலை. இயேசு தம் சீஷர்களை பார்த்து, சாரமற்றுப் போன உப்பு பயனற்றது போல, உங்கள் விசுவாசமும் சாரம் இழக்காமல் இருக்க வேண்டும் என்று கூறுகிறார். இந்த அதிகாரத்தின் ஆரம்பத்தில் யார் பெரியவன் என்று சீஷர்கள் வாதாடியதை நினைவுகூர்ந்தால், இந்த முடிவு எவ்வளவு பொருத்தமானது - 'ஒருவரோடொருவர் சமாதானமுள்ளவர்களாயும் இருங்கள்' என்ற அழைப்பு. நம் வீட்டிலும், சபையிலும் இந்த சமாதானமும் சாரமும் இருக்கட்டும் என்று வேண்டிக்கொள்வோம்.