மத்தேயு 2:11பொன்னும் தூபவர்க்கமும்

சாஸ்திரிகள் ஒரு அரண்மனையை அல்ல, ஒரு சாதாரண வீட்டை அணுகினார்கள், அதில் குழந்தை இயேசுவும் தாயார் மரியாளும் இருந்தார்கள். சாஷ்டாங்கமாய் விழுந்து பணிந்துகொண்டு, தங்கள் பொக்கிஷங்களைத் திறந்து 'பொன்னையும் தூபவர்க்கத்தையும் வெள்ளைப்போளத்தையும்' காணிக்கையாக வைத்தார்கள். இந்த மூன்று அன்பளிப்புகள் - பொன் ராஜத்துவத்தை, தூபவர்க்கம் தேவத்துவத்தை, வெள்ளைப்போளம் அவருடைய மரணத்தை - குறிப்பதாக பழங்காலத்தில் இருந்தே பலர் புரிந்துகொண்டிருக்கிறார்கள். வேற்று தேசத்தார் முதலிலேயே இயேசுவை ராஜாவாக அறிந்து பணிந்தது நமக்கு ஆச்சரியமும் ஆறுதலும் தருகிறது.