சங்கீதம் 127:1கட்டுவது கர்த்தர் கையில்

சாலொமோன் தன் அப்பா தாவீதைப் போலவே அறிந்திருந்தார் - எத்தனை பெரிய அரண்மனை கட்டினாலும், கர்த்தர் அதில் இல்லையென்றால் அது வெறும் கல்லும் மண்ணும்தான். ஒரு வீட்டைக் கட்டும் தச்சரின் கை பலம், ஒரு நகரத்தைக் காக்கும் காவலாளியின் விழிப்பு, இவை எல்லாம் தேவனுடைய ஆசீர்வாதம் இல்லாமல் 'விருதா' என்று பாடகர் சொல்கிறார். இது சோம்பேறித்தனத்தை ஆதரிக்கும் வார்த்தை அல்ல; நம் முயற்சிக்கு அர்த்தம் கொடுப்பது கர்த்தருடைய கை என்பதை நினைவூட்டுகிறது. நம் வேலைகளையும் திட்டங்களையும் கர்த்தர் முன் வைத்தே தொடங்குவோம்.