சகரியா 13:9நெருப்பில் உருக்கப்படுதல்

மீதியாக இருக்கும் மூன்றாம் பங்கை கர்த்தர் நெருப்பில் இட்டு, வெள்ளியையும் பொன்னையும் உருக்குவது போல சுத்திகரிப்பேன் என்கிறார். இது தண்டனையை மட்டும் பேசவில்லை - சுத்திகரிக்கப்பட்ட மக்கள் இறுதியில் 'கர்த்தர் என் தேவனென்று' சொல்லும் அளவுக்கு நெருங்கிய உறவை அடைவார்கள் என்ற அழகான முடிவைப் பேசுகிறது. கர்த்தரும் அவர்கள் விண்ணப்பத்தைக் கேட்டு, தம்முடைய மக்களாக அவர்களை ஏற்றுக்கொள்வார் என்று வாக்குத்தத்தம் தருகிறார். துன்பங்களின் நெருப்பு நம்மை அழிக்க அல்ல, தூய்மையாக்கி தேவனுக்கு நெருக்கமாக்க வந்திருக்கிறது என்பது நமக்கும் பெரிய ஆறுதல்.