மாற்கு 2:14ஆயத்துறையில் ஒரு அழைப்பு

ஆயத்துறையில் உட்கார்ந்திருந்த லேவியை, அதாவது மத்தேயுவை, இயேசு பார்த்து, ‘எனக்குப் பின்சென்றுவா’ என்று அழைத்தார். ஆயக்காரர் என்பவர்கள் யூத ஜனங்களால் வெறுக்கப்பட்டவர்கள், ரோம அரசுக்காக வரி வாங்குபவர்கள். இந்த அழைப்பைக் கேட்ட மாத்திரம் லேவி எழுந்து, தன் வேலையையும் வருமானத்தையும் விட்டு அவரைப் பின்தொடர்ந்தார். 'அவன் எழுந்து அவருக்குப் பின்சென்றான்' என்ற வார்த்தைகள் எத்தனை உடனடியான தீர்மானத்தைச் சொல்கின்றன.